Equity Bank Tanzania Yaadhimisha Siku ya Wanawake Duniani kwa Kuwawezesha Wanawake.

Katika kuadhimisha Siku ya Wanawake Duniani, Equity Bank Tanzania iliwaunganisha wanawake wateja na wafanyakazi wake katika hafla maalum ya kusherehekea pamoja. Tukio hili lilikuwa fursa muhimu ya kutafakari mchango muhimu wa wanawake katika maendeleo ya jamii na uchumi.Hafla hiyo iliwashirikisha wazungumzaji mbalimbali, wakiwemo wanawake viongozi kutoka Equity Bank na wadau mbalimbali wanaoshirikiana na benki katika kuwakuza na kuwawezesha wanawake.

Akizungumza katika tukio hilo, Bi. Shumbana Walwa, Mkuu wa Kitengo cha Masoko, alisema kaulimbiu ya mwaka huu ya Siku ya Wanawake Duniani, "Give to Gain", inalenga zaidi ya sherehe. "Inahusu kubadilishana mawazo na kujenga uwezo wa kuwezeshana kati ya wanawake wenyewe," alisema.

Kwa wake up and wake, Bi. Martha Kimweri, Mkuu wa Rasilimali Watu, alisema Equity Bank imewasajili zaidi ya wanawake 80 katika mpango wa uongozi unaofanywa kwa ushirikiano na Shirika la Fedha la Kimataifa (IFC). Mpango huu unalenga kuimarisha uongozi kwa wanawake na kuwapa fursa za kukua kitaaluma.

Bi. Zuhura Sinare Muro kutoka Impact Leadership Academy aliwakumbusha wanawake kuwa kila mwanamke ni dhahabu. Alizungumzia ushirikiano wao na Equity Bank katika kuwawezesha wanawake kwenye uongozi, akisisitiza umuhimu wa kujiamini na kuthamini thamani yao.

Bi. Hellen Dalali, Mkuu wa Uendelevu, alielezea kuhusu dirisha la Mwanamke Plus la Equity Bank. Huduma hii maalum inatoa mikopo ya biashara na makazi, elimu na mafunzo ya kifedha bure, mikopo ya ushonaji, na bima maalumu kwa wanawake, ikilenga kuwapa nguvu za kifedha na kusaidia biashara zao kukua.

Akihitimisha hafla hiyo, Mkurugenzi Mtendaji wa Equity Bank Tanzania, Bi. Isabela Maganga, alizungumza moja kwa moja na wanawake waliopo akisema benki imetumia siku hiyo kuwakumbusha wateja mambo matatu muhimu: kwanza, kuwaeleza kuwa Equity ni nani; pili, kutoa shukrani za dhati kwa wateja kwa kuamini na kuchagua kuwa wateja wa benki; na tatu, kutumia mwezi huu kuonesha jinsi wanavyowapa kipaumbele wateja katika kila wazo na juhudi zao.

Equity Bank Tanzania inatoa shukrani za dhati kwa wanawake viongozi wa benki pamoja na wadau wote walioshiriki kutoa elimu na kuzungumza na wanawake kuhusu namna ya kuendelea kujiwezesha na kusaidiana katika jamii na kiuchumi.

#GiveToGain #EquityBankTanzania

Bi.Isabela Maganga,Mkurugenzi Mtendaji wa Equity Bank akizungumza na wanawake kwenye hafla maalumu ya kusherekea na kuadhimisha siku ya wanawake duniani.