Mwanza, Tanzania –Tarehe 24 Januari 2026.

Benki ya Equity Tanzania, kwa ushirikiano na wadau mbalimbali wa mazingira, imeongoza shughuli za kijamii na kimazingira katika eneo la Ziwa Victoria jijini Mwanza. Shughuli hizo zilijumuisha,kukabidhi rasmi ya vifaa vipya vya kuhifadhi taka ngumu katika soko la samaki la Mwaloni na kufanya usafi wa ufukwe wa ziwa Victoria. Upokeaji wa vifaa vya usafi uliongozwa na Mkuu wa Wilaya ya Ilemela Mhe:Amir  Mohammed Mkalipa na viongozi wengine wa Wilaya za Nyamagana na Ilemela na Soko la Mwaloni. Katika zoezi la usafi Benki ilishirikiana na taasisi ya HUDEFO na vijana wa kujitolea takribani 70 kutoka vyuo vya SAUT na TIA na wadau wengine wa Mazingira. Matukio haya yanaonesha juhudi thabiti za Benki ya Equity katika kuleta mabadiliko chanya katika usimamizi endelevu wa kuimarisha usafi wa mazingira na kukuza Uchumi wa Buluu katika ukanda wa Ziwa Victoria, pamoja na kuimarisha uwezo wa jamii na wajasiriamali.

Makabadhiano haya ya vifaa vya kuhifadhi tangu ngumu, yananalenga kuboresha kwa kiasi kikubwa hali ya usafi na usalama wa kiafya ziwani, kupunguza uchafuzi wa mazingira, na kuleta mabadiliko chanya katika ustawi wa kiuchumi na kiafya kwa wadau wote wa eneo hilo la soko la Samaki.Usafisha wa ufukwe wa Ziwa Victoria ulilenga kuondoa taka ngumu na plastiki kutoka ufukwe, kuzuia uchafuzi wa maji ya Ziwa Victoria, kuwajengea uwezo wadau wa ndani kupitia mafunzo ya usimamizi endelevu wa taka na faida za uchumi wa buluu, pamoja na kuhamasisha ushiriki wa wadau wa mazingira katika jitihada za uhifadhi.

Akizungumzia tukio hilo la pamoja, Bi. Hellen Dalali, Mkuu wa Uendelevu wa Benki ya Equity Tanzania, alisema kuwa Benki inaamini kwa dhati katika uwezeshaji wa jamii na ulinzi wa mazingira. Alibainisha kuwa shughuli hiyo haikuwa tu kusafisha ufukwe na kukabidhi vifaa, bali pia ilikuwa fursa ya kujenga uelewa wa umuhimu wa kutunza vyanzo vya maji na kuimarisha uchumi wa buluu kwa kuwashirikisha wajasiriamali na vikundi vya jamii. Alisisitiza kuwa juhudi hizi ni kiunga muhimu cha mandhari ya benki ya kuinua maisha ya watanzania.

Benki ya Equity inatoa mikopo nafuu na dhamana maalum zinazolenga kuinua wajasiriamali hususani katika sekta za uchumi wa buluu, nishati safi, na usimamizi endelevu wa taka. Pia, benki inatoa mafunzo ya ujasiriamali na elimu ya kifedha bure kwa wadau katika sekta husika ili kuwajengea uwezo wa kuendesha biashara kwa weledi zaidi. Kwa maelezo: infotz@equitybank.co.tz simu 0768 985 500.

Mhe: Amir Mohammed Mkuu wa Wilaya ya Ilemela akizungumza na wananchi na wadau mbalimbali wa wilaya ya Ilemela katika hafla ya kukabidhi vifaa vya usafi.

Bi Hellen Dalali Mkuu wa Kitengo cha Uendelevu Benki ya Equity akizungumza na wananchi na wadau mbalimbali wa Wilaya ya Ilemela katika hafla ya kukabidhi vifaa vya usafi.