Tanzania, Benki ya Equity imetangaza ushirikiano wa kimkakati na Mixx by Yas wenye lengo la kuleta huduma za kifedha karibu zaidi na wananchi kupitia mtandao mpana wa mawakala wa Mixx by Yas waliopo nchi nzima. Ushirikiano huu unaimarisha juhudi za benki katika kupanua ujumuishaji wa huduma za kifedha kwa kuhakikisha wateja wanapata huduma  kwa haraka, rahisi na kwa kuaminika popote walipo, mijini na vijijini.

Kupitia ushirikiano huu, wateja wa Benki ya Equity sasa wanaweza kupata huduma za kifedha moja kwa moja ikijumuisha kuweka pesa kwenye akaunti zao za Equity, na kutoa pesa ili kufanya matumizi mbali mbali, sasa wataweza kufanya hivyo kupitia mawakala wa Mixx by Yas waliopo Tanzania nzima. Wateja wa Benki ya Equity wenye simu janja wanaweza kutumia Equity Mobile App kufanya miamala hii, huku wanaotumia simu za kawaida wakipata huduma kupitia USSD code *150*07#. Njia hizi zinawawezesha kufanya miamala ya Kuweka na Kutoa fedha kwa urahisi, kwa haraka na kwa usalama kupitia mawakala walioko karibu nao, huku ikibebwa na kauli mbiu: Equity Bank “Weka Pesa, Toa Pesa.” Na Mixx By Yas

Akizungumza wakati wa uzinduzi, Mkurugenzi Mtendaji wa Benki ya Equity Tanzania, Bi. Isabela Maganga, alisema:

“Ushirikiano huu na Mixx by Yas una thamani ya kimkakati inayokwenda mbali zaidi ya utoaji wa huduma za kibenki,  ni hatua mahsusi ya kuboresha huduma zetu kwa kuwafikia kiurahisi, kupunguza umbali kati ya wateja na huduma za kibenki,  kwa kuwaletea huduma karibu na maeneo wanayoishi na kufanyia kazi. Kupitia mtandao mpana wa mawakala wa Mixx by Yas, waliopo Tanzania nzima, wateja sasa hawatalazimika kusafiri umbali mrefu kufika matawi yetu ya benki, bali wanaweza kupata huduma ya Kuweka Pesa kwenye akaunti zao, na Kutoa Pesa kwa matumizi mbali mbali kwa urahisi, gharama nafuu na usalama mkubwa kupitia mawakala wa Mixx by Yas wanaowaamini karibu yao.

Kwa wateja wa Benki ya Equity, ushirikiano huu unamaanisha upatikanaji wa huduma za kifedha zilizo karibu, rahisi na za kuaminika. Kwa mawakala wa Mixx by Yas, unafungua fursa za kiuchumi kupitia ongezeko la miamala, wigo mpana wa huduma na ukuaji wa biashara zao. Na kwa jamii kwa ujumla, tunachochea ujumuishaji wa kifedha, tunaimarisha mzunguko wa fedha katika uchumi wa ndani na kusaidia wananchi kushiriki kikamilifu katika mfumo rasmi wa kifedha.

Tunawaalika wadau wote kuupokea na kuutumia ushirikiano huu kwa sababu unaweka msingi wa mfumo wa kifedha ulio karibu na watu, unaoaminika na unaochochea maendeleo. Maono yetu ni kufanya huduma za kibenki ziwe sehemu ya maisha ya kila siku, na hatua hii ni muhimu katika kufanikisha dhamira hiyo.

Kwa upande wake, Angeliqa Pesha,  CEO wa Mixx by Yas, alisema,”Kwa kuunganisha uzoefu wa kibenki wa Equity na nguvu ya jukwaa la Mixx pamoja na mtandao mpana wa mawakala wetu, tunabadilisha vituo vya huduma vilivyo karibu na jamii kuwa milango kamili ya huduma za kibenki. Kupitia ushirikiano huu, ikiwemo upanuzi wa huduma za utoaji wa fedha za kimataifa (IMT), tunaongeza upatikanaji, urahisi na uaminifu kwa mamilioni ya Watanzania. Kwa pamoja, tunajenga mfumo wa kifedha ulio jumuishi zaidi, unaounganishwa kidijitali na wenye kuwezesha uchumi wa taifa.”

Ushirikiano kati ya Benki ya Equity na Mixx by Yas unaakisi mwelekeo wa sekta ya kifedha wa kuunganisha na kuwafikia wateja kwa ukaribu zaidii. Kwa kutumia mawakala wa Mixx by Yas ambao wanaaminika na jamii, huduma za kibenki za Equity sasa zinapatikana karibu zaidi na wananchi kuliko wakati wowote.

Mbali na mkakati huu huu wa kusogeza huduma kwa wateja, Benki ya Equity inaendelea kubuni bidhaa zinazokidhi mahitaji ya wateja wake. Hivi karibuni benki imezindua Wezesha Account, Akaunti ya Amana ambayo ni suluhisho la uwekezaji wa muda mfupi inayowapa wateja faida kubwa ya uwekezaji, kwa kianzio ni TZS. 500,000 tu, kwa muda wa miaka mitatu (3). Aidha, kupitia akaunti ya Amana ya Muda wateja wanaweza kukopa hadi asilimia 80 ya akiba yao bila kuvunja amana. Ubunifu huu unaonesha dhamira ya benki ya kuendeleza ujumuishaji wa kifedha na kujenga jamii zilizo imara zaidi kiuchumi.

Kwa maelezo zaidi:

Tembelea tawi la karibu la Benki ya Equity, piga simu 0768 985 500, tuma barua pepe info@equitybank.co.tz.

Bi. Isabela Maganga Mkurugenzi Mtendaji wa Benki ya Equity akizungumza kwenye hafla ya imetangaza ushirikiano wa kimkakati kati ya Benki ya Equity na Mixx by Yas.

Bi. Isabela Maganga Mkurugenzi Mtendaji wa Benki ya Equity na Bi.Angeliqa Pesha, Afisa Mtendaji Mkuu, kwenye hafla ya kutangaza ushirikiano wa kimkakati kati ya Benki ya Equity na Mixx by Yas.

Wafanyakazi wa Benkiy a Equity Pamoja na Mixx By Yas kwenye kwenye hafla ya kutangaza ushirikiano wa kimkakati kati ya Benki ya Equity na Mixx by Yas.