Col. (Rtd) Eugene Haguma

UMUYOBOZI MUKURU W’INAMA Y’UBUTEGETSI

Eugene afite impamyabumenyi y’Icyiciro cya Gatatu cya Kaminuza mu bijyanye n’Imicungire y’Imari, yakuye muri Kaminuza ya Londres mu Bwongereza, akagira n’iy’Icyiciro cya Kabiri cya Kaminuza mu bijyanye n’imenekanishabikorwa yaboneye muri Kaminuza ya Makerere muri Uganda. Anafite impamyabushobozi mu bijyanye n’ubusesenguzi mu by’imari yaboneye muri John Molson Business School Concordia muri Canada. Yabaye mu myanya y’ubuyobozi itandukanye muri leta no mu bijyanye n’ubushabitsi. Kuva mu 2002 kugeza mu 2005, yari mu bayobozi bakuru ba Minisiteri y’Umutekano mu Rwanda. Yanakoze muri Afurika y’Epfo nk’intumwa y’u Rwanda mu bijyanye n’umutekano hagati kuva mu 2005 kugeza mu 2010. Nyuma y’aho, yabaye Umuyobozi Mukuru wa Horizon Group mu Rwanda, inshingano yakoze kugeza mu 2018. Muri iki gihe, ni Umuyobozi Mukuru wa Prime Insurance Limited mu Rwanda.

Hannington Namara

UMUYOBOZI MUKURU

Hannington ni Umuyobozi Mukuru wa Equity Bank Rwanda. Afite impamyabumenyi mu bijyanye n’imicungire y’ubucuruzi yaboneye muri Kaminuza ya Makerere muri Uganda, ndetse yanarangije amasomo ajyanye n’imicungire y’imari n’ubucuruzi mu Ishuri ry’Ubucuruzi rya Strathmore muri Kenya. Afite inshingano nyinshi mu bijyanye n’imiyoborere mu bigo byo hirya no hino muri Afurika no ku Isi muri rusange. Manara afite ubunararibonye bw’imyaka 19 akora mu rwego rw’amabanki n’urw’iterambere ry’abikorera. Afite ubuhanga mu kuyobora amatsinda y’abantu, imicungire y’amafaranga n’itumanaho. Yakoze inshingano zikomeye mu miryango izwi nka Trademark East Africa, Dederasiyo y’Urwego rw’Abikorera mu Rwanda, Banki y’Ubucuruzi y’u Rwanda ndetse n’Ikigo cy’Igihugu cy’Iterambere, RDB. Anafasha mu bujyanama bw’ibigo nk’umwe mu bagize inama zabyo z’ubutegetsi. Muri iki gihe, ari muri Komite Nshingwabikorwa ya Rwanda Bankers' Association.

BELINDA BWIZA

UMUYOBOZI MU NAMA Y’UBUTEGETSI

Belinda afite uburambe bw’imyaka 16 nk’umukozi mu nzego zitandukanye zaba izo gufasha abaturage, serivisi z’imari, imicungire y’imishinga, iterambere ry’ubushabitsi, gushyiraho za politiki n’ubucuruzi.Afite impamyabumenyi y’icyiciro cya kabiri cya kaminuza mu bijyanye n’Imicungire y’Ubucuruzi aho yibandaga cyane ku bijyanye n’Imari. Anafite impamyabumenyi y’icyiciro cya gatatu cya Kaminuza mu by’ubucuruzi n’imicungire y’ibigo. Bwiza kandi afite impamyabushobozi nk’umubaruramari w’umwuga aho yarangije amasomo ya CPA na CMA. Muri iki gihe, ni Umuyobozi Mukuru wa One Acre Fund in Rwanda.

Amb. George Kayonga

UMUYOBOZI MU NAMA Y’UBUTEGETSI

Ambasaderi George afite impamyabumenyi y’icyiciro cya gatatu cya kaminuza mu bya dipolomasi n’ubumenyi mpuzamahanga, akanagira impamyabumenyi y’icyiciro cya kabiri cya kaminuza mu bijyanye n’Imari. Akora kandi nk’umujyanama wigenga mu by’ubucuruzi n’iterambere, akanaba umunyamuryango w’inama ngishwanama ya One Acre Fund. Ambasaderi Kayonga afite uburambe bw’imyaka 16 mu mirimo ya leta aho yakoze nka ambasaderi w’u Rwanda muri Kenya, ambasaderi w’u Rwanda muri Somalia, yabaye uhagarariye u Rwanda uhoraho muri UNEP na UN-HABITAT, Umunyamabanga uhoraho muri Minisiteri y’Umuryango wa Afurika y’Iburasirazuba n’Umuyobozi Mukuru w’Ikigo cy’igihugu gishinzwe kohereza mu mahanga ibikomoka ku buhinzi. Amb. George kandi afite uburambe bw’imyaka 12 mu nzego z’abikorera, imicungire y’imishinga ye n’ibigo bitandukanye.

Andrew Rugege

UMUYOBOZI MU NAMA Y’UBUTEGETSI

Eng. Andrew Rugege afite uburambe bw’imyaka irenga 30 mu buyobozi bukuru bw’ibijyanye n’igenamigambi ry’ubucuruzi, imicungire y’imishinga minini n’ibijyanye n’iterambere haba ku rwego rw’Isi, akarere n’urwego rw’igihugu. Azwi kandi mu guteza imbere ibikorwa remezo, ibitekerezo bishya no kuyobora neza imiryango itandukanye. Rugege afite impamyabumenyi ebyiri z’icyiciro cya gatatu cya kaminuza, imwe mu bijyanye na za Mudasobwa n’Imiyoborere y’Ubucuruzi yakuye mu ishuri rya Morist College i New York muri Amerika n’indi yaboneye muri Kaminuza ya Aberdeen muri Scotland mu bijyanye n’Ubumenyi mu by’Amashanyarazi. Andrew afite ubumenmyi buhambaye mu by’ikoranabuhanga ndetse yamaze imyaka 10 akora muri International Telecommunication Union muri Ethiopia, ahagararira Afurika mu muryango wa Afurika yunze Ubumwe n’Umuryango w’Abibumbye, UNECA. Mbere yo kujya mu kiruhuko cy’izabukuru, yakoze imirimo itandukanye kandi ikomeye mu bigo bikomeye by’itumanaho aho yabaye Umuyobozi Ushinzwe Ibikorwa muri MTN mu gihe cy’imyaka itanu, anaba Umuyobozi Mukuru wa Airtel Communication SARL mu gihe cy’imyaka itatu.

CAMILLE KARAMAGA

UMUYOBOZI MU NAMA Y’UBUTEGETSI

Camille afite impamyabumenyi c’icyiciro cya gatatu cya Kaminuza mu bijyanye n’Imicungire y’Ubucuruzi (MBA) yakuye muri Maastricht School of Management mu Buholandi. Anafite impamyabumenyi yakuye muri Kaminuza ya Makerere na Kaminuza y’Imari n’Icungamutungo ya Dar Salaam mu bijyanye n’imisoro. Afite uburambe bw’imyaka irenga 35 mu bijyanye n’iterambere ry’ubukungu n’imicungire y’imari. Yakoze nk’impuguke mu by’imiyoborere n’imicungire y’imari muri Banki Nyafurika Itsura Amajyambere (AFDB), mu bikorwa byo gushyigikira imishinga, ubufasha mu bya tekiniki no gutanga amahugurwa ndetse n’ibijyanye no kongerera ubushobozi abandi binyuze mu guhanga udushya.

EMMANUEL MURAGIJIMANA

NON-EXECUTIVE DIRECTOR

Emmanuel ni umunyamategeko w’umwuga aho afite uburambe bw’imyaka irenga 20 mu gutanga inama mu by’amategeko no gukurikirana ko ibigo byubahiriza amategeko. Yakoze imirimo itandukanye irimo kuba UUshinzwe Amategeko muri Minisiteri y’Abakozi ba Leta n’Umurimo, Umuyobozi ushinzwe amategeko n’umunyamabanga muri at Ecobank Rwanda Limited, Umujyanama w’umuvugizi w’inteko ishinga amategeko mu nteko ishinga amategeko y’u Rwanda. Hamwe n’uburambe bw’imyaka umunani mu rwego rw’amabanki no kuba yarakoze mu nteko ishinga amategeko, Emmanuel yakoze ibijyanye n’ubujyanama mu by’amategeko, kwiga imishinga y’amategeko, ibijyanye n’imiyoborere, kubahiriza amategeko, imishinga y’imari n’ibijyanye n’ubucuruzi. Muri iki gihe, akora nk’umunyamategeko muri K-Solutions & Partners Law Firm, aho akazi ke ka buri munsi kibanda ku gusuzuma ibiijyanye n’amategeko mbere yo gushyira mu bikorwa imyanzuro, gutera inkunga imishinga migari, imiyoborere y’ibigo n’amavugurura mu miryango itandukanye.

JEAN-CLAUDE(JC) NKULIKIYIMFURA

UMUYOBOZI MU NAMA Y’UBUTEGETSI

Jean Claude afite uburambe bw’imyaka irenga 20 mu bijyanye n’imicungire y’ubucuruzi, imenyekanishabikorwa, imirimo ya leta n’ibijyanye n’itumanaho mu bigo bitandukanye. Afite impamyabumenye y’icyiciro cya gatatu mu bijyanye n’ubumenyi mu bya politiki yakuye muri kaminuza ya Kwazulu-Natal Pietermaritzburg muri South Africa, akagira iy’icyiciro cya kabiri cya kaminuza mu bijyanye n’itangazamakuru n’itumanaho yaboneye muri Kaminuza ya Arkansas muri Leta Zunze Ubumwe za Amerika, ndetse n’impamyabumenyi mpuizamahanga yakuye muri Lycée Sainte Croix Des Neiges mu Bufaransa. Mu 2019 yahawe igihembo cya Global Impact. Muri iki gihe Jean Claude akora nk’Umuyobozi Nshingwabikorwa muri Agahozo-Shalom Youth Village (ASYV), aho yagize uruhare mu bufatanye mpuzamahanga akanatangiza ikigega cy’inkunga cya miliyoni 20 z’amadolari ya Amerika hagamijwe gukomeza kwagura umuryango wa Agahozo no kuwongerera ubushobozi mu buryo burambye. Yabaye Umuyobozi Mukuru wa Saatchi & Saatchi ndetse yashinze anaba umwe mu bayobozi ba XL Com, anahagararira Draka Comteq and SIMED International. Mbere y’ibi, yakoze inshingano zifite aho zihuriye n’itumanaho mu biro bya Perezida wa Repubulika.

ARLETTE RWAKAZINA

UMUYOBOZI MU NAMA Y’UBUTEGETSI

Arlette Rwakazina afite impamyabumenyi y’icyiciro cya gatatu cya Kaminuza mu bijyanye n’ubumenyi mu by’itumanaho n’ikoranabuhanga mu by’imari yakuye muri Kaminuza Strathclyde mu Bwongereza, akagira impambyabumenyi y’icyiciro cya kabiri cya kaminuza mu bijyanye n’ubuhanga mu bya mekanike yakuye muri Kaminuza y’u Rwanda, Ishami ry’Ubumenyi n’Ikoranabuhanga rya Kigali, akanagira impamyabumenyi mu ikoranabuhanga mu by’imari yakuye muri Digital Frontier Institute ku bufatanye na Kaminuza ya Tufts. Arlette yihebeye ibijyanye n’ikoranabuhanga mu by’imari kandi akunda kwifashisha ibikoresho by’ikoranabuhanga mu gutuma serivisi z’imari zigera ku bazikeneye bose no gufasha abantu mu iterambere ryabo n’iry’ibikorwa bakora. Muri iki gihe ni Umuyobozi wa Rwanda Economy Digitization Program – Cenfri, umushinga ufasha leta n’abikorera kugera kuri serivisi z’imari zifashisha ikoranabuhanga zigera kuri bose. Arlette yakoze nk’Umuyobozi Mukuru mu by’Umutekano w’Ikoranabuhanga n’Igenamigambo mu kigo cy’igihugu gishinzwe imirimo imwe n’imwe ifitiye igihugu akamaro (RURA) aho yari ashinzwe ibijyanye n’ikoranabuhanga rishya no kurinda sisiteme n’amakuru y’ikoranabuhanga y’icyo kigo. Mbere y’aho yakoze muri Ericsson nk’Umuyobozi Mukuru ushinzwe ibijyanye no gukora porogaramu no guhuza serivisi z’imari na telefoni ku bufatanye n’abafatanyabikorwa no gukurikirana imikorere myiza y’izo porogaramu. Arlette afite ubunararibonye mu buyobozi bw’inama z’ubutegetsi aho yabaye mu bagize inama y’ubutegetsi yakanaba Umuyobozi Mukuru w’Inama y’Ubutegetsi muri komite iashinzwe ubumenyi bwa Mudasobwa n’Ikoranabuhanga muri Cogebanque.

Hannington Namara

MANAGING DIRECTOR

Hannington ni Umuyobozi Mukuru wa Equity Bank Rwanda. Afite impamyabumenyi mu bijyanye n’imicungire y’ubucuruzi yaboneye muri Kaminuza ya Makerere. Ni umwe mu bagize ubuyobozi bwa Africa Leadership Initiative-East Africa, akanaba umunyamuryango wa Aspen Global Leadership Network ndetse yakoze amahugurwa atandukanye mu bijyanye n’ibigo by’amabanki, ibyerekeye inguzanyo n’ibijyanye n’imari. Afite uburambe bw’imyaka irenga 15 nk’impuguke mu buyobozi bukuru bw’iterambere ry’ibigo by’abikorera. Yakoze mu byerekeye igenamigambi, imiyoborere, imicungire ya za porogaramu n’ibijyanye n’imari n’itumanaho. Muri iki gihe, ni Umuyobozi Mukuru wa Equity Bank Rwanda. Yabaye mu myanya itandukanye ubwo yakoraga muri TradeMark East Africa – Rwanda Country Programme, muri Federasiyo y’u Rwanda y’Urwego rw’Abikorera, Banki y’Ubucuruzi y’u Rwanda (BCR), Rwanda Investment Export Promotion Agency (RIEPA ubu izwi nk’Ikigo cy’Igihugu cy’Iterambere RDB). Akora ku myanya n’inshingano zitandukanye mu nama z’ubutegetsi haba mu bigo by’abikorera no muri leta.

DIANAH KWARISIIMA

UMUYOBOZI USHINZWE ABAKOZI

Dianah afite impamyabumenyi y’icyiciro cya kabiri cya kaminuza mu burezi, akanagira uburambe bw’imyaka 18 mu rwego rw’amabanki. Mbere yo kwinjira muri Equity Bank mu Ukuboza 2022, yakoreraga na I&M Bank mu gihe cy’imyaka 16 nk’Umuyobozi Ushinzwe Amahugurwa, Ushinzwe Imibanire y’abakozi n’umuyobozi ushinzwe abakozi. Yakoreye kandi Ecobank nk’umuyobozi ushinzwe abakozi mu gihe cy’umwaka, uhereye mu Ugushyingo Head 2021. Mu kazi ke mu rwego rw’amabanki, Dianah yahakuye ubunararibonye mu bijyanye n’igenamigambi n’imicungire y’abakozi.

JEAN PAUL NGABONZIZA

UMUYOBOZI USHINZWE UBUGENZUZI BW’IMBERE MU KIGO

Jean Paul afite impamyabumenyi y’icyiciro cya kabiri cya kaminuza mu bijyanye n’imicungire y’ubcuruzi n’icungamutungo yakuye muri Kaminuza Nkuru y’u Rwanda (isigaye yitwa Kaminuza y’u Rwanda). Afite impamyabushobozi y’uko yarangije amasomo ya ACCA, akanaba umunyamuryango wa ICPAR n’umunyamuryango w’Abagenzuzi b’Imbere mu gihugu IIA). Afite imyaka irenga 12 m bugenzuzi bw’imbere mu kigo aho 10 muri yo yayimaze akora mu rwego rw’amabanki. Yinjiye muri Equity Bank Rwanda Plc muri Mata 2020 nk’Umuyobozi Ushinzwe Ubugenzuzi bw’Imbere mu Kigo. Yakoreye Banki y’ Abaturage y’u Rwanda, BPR (isigaye igengwa na Atlas Mara ) mu gihe cy’imyaka irenga 2,5 nk’umuyobozi mukuru ushinzwe ubugenzuzi: muri I&M Bank Rwanda Plc nk’umuyobozi mukuru ushinzwe ubugenzuzi bw’imbere mu kigo mu gihe cy’imyaka irindwi n’Umuyobozi mu rwego rw’Umugenzuzi w’Imari ya Leta mu Rwanda aho yari umugenzuzi ushinzwe imishinga y’abaturage mu gihe cy’imyaka ibiri.

CAROLE KAREMA JENI

UMUYOBOZI USHINZWE UBUGENZUZI BW’IMBERE MU KIGO

Carole Karema Jeni ni umuyobozi ufite uburambe bw’imyaka irenga 23 mu by’ikoranabuhanga, guhanga udushya, ubudashyikirwa mu mikorere n’imiyoborere mu by’amabanki ku rwego mpuzamahanga, ikoranabuhanga mu by’imari, itumanaho, ubwubatsi, umutekano no mu rwego rw’inganda. Ni Umuyobozi Ushinzwe Ibikorwa n’Ikoranabuhanga mu micungire y’Amakuru muri Equity Bank Rwanda, aho kurikirana Ibikorwa, Ikoranabuhanga mu micungire y’Amakuru, Ubwirinzi kuri internet, Amasoko na Serivisi z’Ikigo. Yakoze imyaka itanu nk’Umuyobozi Mukuru ushinzwe Ikoranabuhanga no kuzana Impinduka mu Bucuruzi muri Equity Bank Rwanda, aho yayoboye ibikorwa birimo guhanga udushya, ikoranabuhanga ryikoresha mu by’ubucuruzi, imishinga igamije gushyigikira abakiriya n’imishinga migari igamije kuzana impinduka mu kigo ari na ko akurikirana ko umutekano n’iyubahirizwa ry’amategeko bigerwaho binyuze mu kwifashisha ikoranabuhanga. Mbere yo kugera muri Equity Bank, Carole yari Umuyobozi ushinzwe Ikoranabuhanga mu micungire y’Amakuru muri Crystal Ventures Ltd, inshingano yamazeho imyaka umunani, aho yari ashinzwe gukurikirana amashami 12 y’icyo kigo. Muri izi nshingano, yayoboye ibikorwa bigamije impinduka mu kwagura imikoreshereze y’ikoranabuhanga ry’ikigo, ishyirwa mu bikorwa ry’ikoranabuhanga ryikoresha mu by’ubucuruzi no kubaka sisitemu ndetse no kugira ibikoresho byifashisha amakuru mu gufasha abantu gufata imyanzuro ikwiriye. Mu mwuga we kandi, yakoze muri MTN mu gihe cy’imyaka itanu aho yari ashinzwe Gukemura Ibibazo hifashishijwe Ikoranabuhanga, nyuma aza gukora nk’Umuyobozi ushinzwe Imishinga aho yayoboye imishinga migari y’ikoranabuhanga mu micungire y’amakuru no kubyaza ibitekerezo mo imishinga. Carole akora nk’ugize inama y’ubutegetsi mu bigo binyuranye birimo Broadband Systems Corporation (BSC), NPD, COTRACO na ISCO Security. Afite impamyabumenyi y’Icyiciro cya Gatatu cya Kaminuza mu by’Imicungire y’Ubucuruzi yaboneye muri Kaminuza ya Nicosia, Impamyabumenyi y’Icyiciro cya Gatatu cya Kaminuza mu Ikoranabuhanga mu micungire y’Amakuru n’Impamyabumenyi y’Icyiciro cya Kabiri cya Kaminuza mu micungire y’Amakuru muri Sisitemu z’Ubucuruzi yaboneye muri Kaminuza ya Pretoria. Anafite impamyabushobozi zinyuranye mu by’imiyoborere, ubwirinzi kuri internet, ubwenge buhangano na serivisi za banki zifashisha ikoranabuhanga ndetse akaba n’umunyamuryango mu nama z’ubutegetsi bw’ibigo binyuranye. Ashyira imbere ibikorwa bihindura imibereho y’abaturage aho ubu akora nka Guverineri wungirije w’u Rwanda muri Rotary International (District 9150) akaba anakuriye imishinga inyuranye igamije gushyigikira abaturage. Akunda kuvugira cyane abagore n’urubyiruko ngo bongererwe ubushobozi ndetse akanatanga inama mu by’Ikoranabuhanga mu micungire y’Amakuru, imiyoborere n’ikoranabuhanga ryibonwamo na bose. Carole ni intyoza mu rurimi rw’Icyongereza, Igifaransa, Ikinyarwanda n’Igiswahili aho akunze kuba umwe mu batanga ibiganiro ku mpinduka mu by’ikoranabuhanga, imiyoborere no kubaka ibigo byiteguye kugendana n’impinduka z’ahazaza.

JEAN N. BIZIMUNGU

UMUYOBOZI USHINZWE GUKUMIRA IBIHOMBO

Bizimungu Jean Nepomuscene afite impamyabumenyi y’icyiciro cya kabiri cya kaminuza mu bijyanye n’ubukungu bushingiye ku ifaranga yakuye mu yahoze ari Kaminuza Nkuru y’u Rwanda akanagira impamyabushobozi mpuzamahanga mu bijyanye no gukumira ibihombo yaboneye muri Institute of Risk Management mu Bwongereza (IRM) andetse akanagira impamyabushobozi y’uko yarsngije amasomo ya CAM na ACCPA. Afite kandi impamyabushobozi ya ICAAP na ILAAP yabonye nyuma yo kwiga muri BIZENIUS ICAAP muri Gicurasi 2023. Bizimungu afite impamyabushobozi mu bijyanye no gukumira ibihombo akanaba umwe mu bagize Institute of Institute of Risk Management UK na ACAMs. Afite uburambe bw’imyaka 12 mu rwego rw’amabanki by’umwihariko mu bijyanye no gukumira ibihombo.

LOICE K. BAMWINE

UMUYOBOZI USHINZWE AMATEGEKO

Loyce K. Bamwine ni umunyamategeko ubifitemo uburambe aho afite impamyabyumenyi y’icyiciro cya kabiri mu by’amategeko yavanye muri Kaminuza ya Nkuru y’u Rwanda akanagira impamyabumenyi y’icyiciro cya gatatu cya Kaminuza mu by’amategeko yaboneye muri Kaminuza ya Utrecht mu Buholandi. Abarizwa mu Ikigo Mpuzamahanga cy’Ubukemurampaka cya Kigali (KIAC) akanaba umunyamuryango wa Rwanda Bar Association. Afite impamyabushobozi mu miyoborere y’ibigo yavanye muri MARCUSEVANS-Singapore ndetse ubu ari gukorera impamyabushobozi mu miyoborere y’ibigo muri London Institute of Directors (IoD). Mu bijyanye n’imirimo yakoze, Loyce ni umunyamategeko ufite ubunararibonye mu bigo byigenga n’ibya leta. Muri iki gihe akora nk’umuyobozi mukuru ushinzwe amategeko muri Equity Bank Rwanda PLC. Yakoze muri B&BS Attorneys Ltd, ikigo gitanga ubufasha mu by’amategeko gikorera mu Rwanda, nk’umufatanyabikorwa ushinzwe ubujyanama mu by’amategeko. Akora nk’umwe mu bagize inama y’ubutegetsi ya Ngali Holdings Ltd, aho anabarizwa mu miyoborere y’inama y’ubutegetsi na komite ishinzwe abakozi muri Rwanda Medical Supplies (RMS) Ltd. Yakoze nk’umunyamabanga n’umujyanama mukuru waBanki y’Amajyambere y’u Rwanda (BRD) PLC (2016-2020). Yanakoreye Komisiyo idahoraho muri Komisiyo y’Igihugu y’Amatora mu gihe cy’imyaka itanu, umwe mu bagize inama y’ubutegetsi y’Ikigega giteza imbere imishinga mito n'iciriritse, (BDF) akanaba mu nama y’ubutegetsi ya Kivu Marina Bay Hotel - Rusizi,); ndetse n’umwe mu bagize Komite Ngenzuzi ya Komisiyo ishinzwe gusubiza mu buzima busanzwe abahoze ari abasirikare mu Rwanda. Mbere yo kujya mu rwego rw’imari, Loyce yakoze mu myanya itandukanye muri guverinoma harimo kuba muri komisiyo ishinze kuugurura ishinzwe kuugurura itegekonshinga n’andi mategeko aho yakoraga nk’umuyobozi w’ishami ry’ubushakashatsi n’amavugurura y’amategeko. Yari umwe mu bagize komisiyo yavuguruye itegekonshinga ry’u Rwanda mu 2015.

GASTON NSENGIMANA

UMUYOBOZI USHINZWE UMUTUNGO

Gaston afite impamyabumenyi y’icyiciro cya kabiri cya kaminuza mu by’imari yakuye muri Kaminuza y’u Rwanda mu Ishuri ry’Imari n’Amabanki, akanagira impamyabushobozi ya ACI Dealer. Ni umpuguke yemewe mu by’amabanki abikesha ubumenyi yakuye mu ishuri ry’indashyikirwa muri Nigeria. Mbere yo kwinjira muri Equity Bank Rwanda PLC mu Ukwakira 2018, Gaston yakoze muri Access Bank Rwanda Ltd mu gihe cy’imyaka irindwi aho yakoze mu myanya itandukanye irimo kuba umwe mu bagitse itsinda rishinzwe umutungo kuva mu 2014 kugeza mu Ukwakira 2018 akanakora mu bijyanye n’ibikorwa bijyanye n’ikoranabuhanga mu bucuruzi hagati y’umwaka wa 2011 na 2013.

JOSEPH MUTUMA

UMUYOBOZI USHINZWE IMARI

Joseph holds afite impamyabumenyi y’icyiciro cya gatatu cya kaminuza mu micungire y’ubucuruzi yibanda ku bijyanye n’imari, yakuye muri Kaminuza ya Jomo Kenyatta yigisha ibijyanye n’Ubuhinzi n’Ikoranabuhanga (JKUAT), akagira impamyabumenyi y’icyiciro cya kabiri cya kaminuza mu bijyanye n’Ubukungu, yakuye muri Kaminuza ya Nairobi. Ni Umubaruramari ubifitiye impamyabushobozi muri Kenya, akanaba umwe mu bagize Urugaga rw'Ababaruramari b'Umwuga mu Rwanda, akanaba umunyamuryango wa ICIFA. Mbere yo kwinjira muri Equity Bank Rwanda Plc, Joseph yakoze nk’umubaruramari mukuru wa Equity Bank Kenya Limited, imirimo yatangiye mu 2009.

SYLVIO HABINEZA

UMUYOBOZI USHINZWE IYUBAHIRIZWA RY’AMATEGEKO

Bwana Sylvio HABINEZA ni umuyobozi ushinzwe iyuahirizwa ry’amategeko. Afite uburambe bw’imyaka irenga 14 mu bijyanye na serivisi z’imari ndetse yakoze imyaka 10 mu bijyanye n’iyubahirizwa ry’amategeko, gukumira ibihombo n’ubugenzuzi bw’imbere mu kigo. Afite ubumenyi mu iyubahirizwa ry’amategeko, gukumira ubucuruzi butemewe, ibikorwa, gukumira ibihombo n’ibijyanye n’ubucuruzi. Mbere yo kwinjira muri Equity Bank Rwanda Plc, yakozwe nk’umuyobozi ushinzwe iyubahirizwa ry’amategeko muri Cogebanque Plc, mu gihe mbere yaho yakoze muri Access Bank Rwanda nk’umujyanama mu byerekeye imyitwarire n’iyubahirizwa ry’amategeko. Sylvio afite impamyabumenyi y’icyiciro cya kabiri cya kaminuza mu micungire y’ubucuruzi aho yibanze mu byerekeye imari n’amabanki mu Ishuri ry’Imari n’Amabanki (SFB). Afite impamyabushobozi mu by’amabanki yakuye mu Ishuri ry’Indashyikirwa rya Lagos, akaba umunyamwuga mu byerekeye iyubahirizwa ry’amategeko abikesha impamyabushobozi yahawe na IABFM ndetse akaba yaranakoze amahugurwa atandukanye mu nzego zitandukanye.

LILIOSE LARISSE NYINAWINKINDI

Ushinzwe Imikoranire n’Abakiliya

Liliose Larisse Nyinawinkindi ni umuyobozi uzwiho kuzana impinduka mu bijyanye n’imikoranire n’abakiliya aho afite uburambe bw’imyaka irenga 18 mu rwego rw’amabanki, kugeza serivisi ku baturage hifashishijwe ikoranabuhanga n’ibyerekeye ubucuruzi haba ku masoko y’imbere mu gihugu no ku rwego mpuzamahanga. Kuri ubu, akora nk’umuyobozi ushinzwe Imikoranire n’Abakiliya muri Equity Bank Rwanda, aho yayoboye mu bijyanye n’igenamigambi rya banki mu mikoranire n’abakiliya byaba mu buryo bw’imbonankubone cyangwa ubwifashisha imiyoboro y’ikoranabuhanga. Akazi ke kibanda ku kongera imbaraga mu muco wo gutanga serivisi inoze, gushingira ku bitekerezo by’abakiliya hanozwa ibikorwa n’imitangire ya serivisi no kwimakaza ikoreshwa ry’ikoranabuhanga muri serivisi zose zifite aho zihurira n’abakiliya. Mbere yo kugera muri Equity Bank, Liliose yagize inshingano zo ku rwego rwo hejuru mu miyoborere y’ibigo nka Irembo Ltd na KCB Bank Rwanda ndetse yamaze imyaka ikabakaba 10 muri Leta Zunze Ubumwe za Amerika akorera CarMax, kimwe mu bigobikomeye muri Amerika y’Amajyaruguru. Afite impamyabumenyi ebyiri mu bijyanye n’Imicungire mu by’Amakuru y’Ubucuruzi zombie yaboneye muri Saint Peter’s University yo muri Leta ya New Jersey ndetse ni n’Umutoza ubifitiye Impamyabushobozi mu by’Ubucuruzi aho yahuguwe mu by’Ubunyamwuga mu mikoranire n’Abakiliya (CXPA). Liliose ayoborana kwicisha bugufi, gukorana n’abandi ndetse n’imikoreshereze myiza y’amakuru mu gufata ibyemezo. Akunda imikorere iciye mu mucyo akanashyigikira itangwa rya serivisi ryibonwamo na bose kandi agira uruhare mu biganiro byo ku rwego rw’igihugu n’akarere ku mpinduka mu by’ikoranabuhanga no kugira uburyo bw’indashyikirwa bwo kwita ku bakiliya.

FABRICE JURU MUNYAKAZI

Umuyobozi ushinzwe Inguzanyo

Fabrice Juru Munyakazi afite uburambe bw’imyaka irenga 17 mu rwego rw’Amabanki, aho yibanze cyane mu bijyanye no gukumira ibihombo, inguzanyo n’ibyerekeye ubucuruzi muri banki. Afite ubunararibonye buhambaye mu bikorwa bigamije gukumira ibihombo, guhuza inguzanyo no kwagura ubucuruzi, no kuyobora abashinzwe ibijyanye no gukumira ibihombo muri za banki byaba mu bigo na banki byo mu karere na mpuzamahanga. Mbere yo kugera muri Equity Bank Rwanda, Fabrice yabaye mu nshingano zikomeye zitandukanye zirimo kuba Umuyobozi ushinzwe gukumira Ibihombo muri KCB Group, BPR Bank n’Umuyobozi Mukuru ushinzwe ibikorwa no gukumira ibihombo muri Atlas Mara. Urugendo rwe mu mwuga rurimo ubunararibonye bufatika mu bucuruzi bwa banki no gukumira ibihombo muri Ecobank Rwanda, AB Bank, Banque Populaire na I&M Bank. Fabrice afite Impamyabumenyi y’Icyiciro cya Gatatu cya Kaminuza mu micungire y’Ubucuruzi Mpuzamahanga yakuye muri Kaminuza ya Surrey, akanagira Impamyabumenyi y’Icyiciro cya Kabiri cya Kaminuza mu bijyanye n’Ubumenyi mu bya politiki n’ubukungu yaboneye muri Kaminuza ya Lawrence. Anafite impamyabushobozi mu bijyanye no kurengera ikirere mu buryo burambye n’ibijyanye n’amategeko agamije gukumira ibihombo.

ERIC RUTABANA

Umuyobozi ushinzwe Ubucuruzi

Eric Rutabana afite uburambe bw’imyaka irenga 20 muri serivisi z’imari n’ishoramari hirya no hino muri Afurika no mu Burasirazuba bwo Hagati. Kuri ubu, akora nk’Umuyobozi ushinzwe Ubucuruzi muri Equity Bank Rwanda, aho akora ibijyanye n’igenamigambi ry’ubucuruzi muri banki, kongera amafaranga banki ikura mu bucuruzi no kongera umutungo wayo, kwagura isoko no guteza imbere imishinga izanira inyungu abakiliya no kugira urwego rw’imari rwibonwamo na bose kandi rwaguka mu buryo burambye. Mbere y’izi nshingano muri Equity Bank, Eric yabaye mu myanya ikomeye itandukanye muri serivisi z’inganda n’iz’imari. Yabaye Umuyobozi Mukuru wa Banki y’u Rwanda y’Amajyambere (BRD), aho yayoboye amavugurura akomeye agatuma banki ibasha kuba umusemburo w’iterambere ry’igihugu. Nyuma yakoze nk’Umuyobozi Mukuru Wungirije muri Milbridge Group i Dubai, aho yari ashinzwe ishoramari mpuzamahanga n’ibikotrwa mu nzego zitandukanye. Eric kandi yagize inshingano zikomeye mu bigo by’amabanki, ishoramari n’ibijyanye n’inguzanyo muri BPR Bank, Business Partners SME Fund, KCB Bank Rwanda, na I&M Bank. Afite Impamyabumenyi y’Icyiciro cya Gatatu mu micungire y’ubucuruzi n’Imari yaboneye muri Maastricht School of Management n’Impamyabumenyi y’Icyiciro cya Kabiri cya Kaminuza mu micungire y’ubucuruzi yaboneye muri Kaminuza y’u Rwanda. Azwiho ubuhanga mu bijyanye n’imiyoborere, imikoranire n’abandi n’umurava mu rwego rw’imari rwibonwamo na bose ndetse n’iterambere rirambye.